Ұлы Жеңіс күніне орай, мектеп оқушыларын «Жас Ұлан» қатарына қабылдауға арналған «Ұланымыз ұлы елдің» атты салтанатты жиын өткізілді.

Арқалық қаласындағы «Қалалық Жас-Ұлан балалар мен жасөспірімдер» ұйымының  ұйымдастыруымен  Ұлы Жеңіс күніне орай, мектеп оқушыларын «Жас Ұлан» қатарына қабылдауға арналған  «Ұланымымыз ұлы елдің» атты салтанатты  жиыны өткізілді.  Жиын ҚР – ның мемлекеттік әнұранымен ашылды.

Барша қазақстандықтар үшін тамаша мерекеде, «Жас-Ұлан» балалар мен жасөспірімдер ұйымы, биыл жетінші жыл, мектеп оқушыларын, Республикалық бірыңғай «Жас-Ұлан» ұйымы қатарына қабылдаудың  рәсімін  өткізді.  Мерекелік  алғашқы  құттықтау  сөз  Арқалық қаласы әкімдігі білім бөлімінің әдіскері –  Жұмағанбетова Айнұр  Қайроллақызына берілді.

Қала мектептерінің  ұланбасылары  рапорт беріп болған соң,  балғын жасұландарға галстук байлау құрметі аға тәлімгерлер мен балалар ұйымының қалалық штабы көшбасшыларына және мектеп «Жас-Ұлан» комитетінің белсенділеріне ұсынылды.

Жасұландықтар Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:

Өз Отанының  – Қазақстан Республикасының патриоты болуға;

Мемлекеттік рәміздерді құрметтеуге, дәріптеуге;

Отанын  мақтаныш етуге;

Салауатты өмір салтын ұстануға;

Табиғатты аялауға;

Жерлестерінің даңқты ерлігі өнегесі негізінде ерлікке үйренуге және Отанға шексіз қызмет етуге салтанатты түрде ант етті. Өз еліне қайырымды  істерімен көмектесу мүмкіндігін ала отырып, олар ертеңгі күнге деген сенімділіктің символы – көгілдір галстукты зор мақтанышпен тағып жүреді.

Салтанатты жиын соңында қала мектептерінің  оқушылары дайындаған «Қазақстан» флешмобы тамашаланды.

Барлығыңызды мерекемен шын жүректен құттықтаймыз!  Әрқашан еліміз тыныш, жұртымыз аман, аспанымыз ашық болсын!