«Жылы жүрек, жомарт қол» атты қайырымдылық акциясы .

Акцияның мақсаты: көмекке мұқтаж жандарға қол ұшын созып, жәрдем беру.

Адам өміріндегі игі істерінің бірі – мұқтаж жандарға қамқорлық жасау. Қамқорлықты қажет ететін жандарға қол ұшын беру арқылы адам баласы жақсылыққа қадам бастайды.

Біз, «Жас-Ұлан» балалар мен жасөспірімдер орталығының педагогтары мен еріктілері қолымыздан келгенінше 12-жатақханада тұратын әлеуметтік жағдайлары төмен отбасыларға киім-кешек жағынан көмек жасадық. Осы тұста адамгершілік қасиетті биік ұстап, қолдан келген жәрдемін ұсынып, жанашырлық танытып көмек көрсеткен барша қайырымды жандарға алғысымызды білдіреміз!

Өзіміз өмір сүріп жатқан әлемді жақсылық, мейірімділік мекеніне айналдыру- өз қолымызда. Сондықтан қолымыздан келгенше жақсылық жасауға асығайық!