Қалаға ең танымал “Жүзу” және “Спорттық жүзу” клубтары, бассейнге келгісі келетіндер саны үнемі өсуде, балалармен жүзу бойынша тәжірибелі жаттықтырушылар айналысады. Мұнда балалар мен жасөспірімдердің жүзуді үйренуі ғана емес, сонымен қатар кешенді сауықтыру емшараларынан өту мүмкіндігі бар. Олар спорттық жүзудің сан алуан түрлерін, старт, бұрылыс техникаларын және т. б. үйренеді. Тәрбиеленушілермен әр түрлі ойындар, эстафеталар, жарыстар, денсаулық күні, Нептун күні өткізіледі. Жүзу клубы тәрбиеленушілерінің мықтылары команда атынан облыстық жарыстарға қатысып, жеке жүзуде жүлделі орындарға ие болады.

«Алатау» альпинизм спорт клубы «Жас Ұлан» балалар мен жасөспірімдер орталығында үлкен стандартты альпинизм алаңын орнатудың арқасында құрылды.
Альпинизм алаңы (скалодром) 2017 жылы жабдықталған. Құрылым 5 арнайы  тірек құрылымы бар және ол құрылымдар әлемдік стандарттарға сәйкес жасалған.
Альпинизм алаңы (скалодром) ұзындығы 11 метр, биіктігі 7 метр жалпы алаңы 77 шаршы метр.
Тәрбиеленушілер «Алатау» клубында жаттыға отырып, өз денелерін нығайтып қана қоймай, мақсатқа ұмтылу, шешім қабылдау жылдамдығы мен батылдық сияқты пайдалы қасиеттерді дамытады.
Альпинизм батылдықты талап ететін ойын: биіктікті бағындыру адреналиннің күшті бөлінуін қамтамасыз етеді.
Клуб тәрбиеленушілері клуб жетекшісімен  бірге арнайы биіктік құрылғыларын күрделі құрылғыларға ауыстырады ( кішірек және аз ілмектермен), бұл балалардың шеберлігін арттыруға өте тиімді әсер етеді.
Клуб барлық қажетті жабдықтармен жабдықталған (қауіпсіздік құралдары, тартқыштар, карабиндер, арнайы арқандар).
2018 жылы спорттық альпинизм Олимпиада бағдарламасына ресми түрде енгізілді. Біз «Алатау» клубының тәрбиеленушілері Олимпиада ойындарының қатысушылары мен жеңімпаздары болады деп сенеміз.